Dukh Dard K Maron Se Mera Zikar Na Karna

Dukh Dard K Maron Se Mera Zikar Na Karna,

Ghar Jao To Yaron Se Mera Zikar Na Karna,

Wo Zabth Na Kar Paye Gi Aankhon K Samandar ko.

Tum Rah Guzaron Sy Mera Zikar Na Karna.

Pholon K Nashiman Mein Raha Hon Mein Humisha Sy,

Dekho Kabi Kharon Sy Mere Zikar Na Karna,

Shayad Ye Andhere Hi Mujhe Rah Dekhain,

Ab Chand Sitaron Sy Mere Zikar Na Karna,

Wo Meri Kahani Ko Ghalt Rang Na De Dain,

Afsana Nigaron Sy Mere Zikar Na Karna,

Shayad Wo Mere Haal Pe Be Sakhta Ro Dain,

Iss Baar Baharon Sy Mere Zikar Na Karna,

Le Jaain Ge Ghirai Mein Tum Ko Baha Kar,

Daria K Kinaron Sy Mere Zikar Na Karna,

Wo Shakhs Mile To Use Har Baat Batana,

Tum Srif Isharon Sy Mera Zikar Na Karna.....!